Чăваш чĕлхи эрни

Чӑваш чӗлхипе литература эрнин планĕ

 № п/п

Мероприятисем

Вӑхӑчӗ

Хутшăнакансем

Яваплисем

1

Чăваш чĕлхипе литература эрнине уçни. «Чӗлхе -пирĕн пуянлӑх»

19.04.2021

1-11 классем

Тăван чĕлхепе литературине вĕрентекен

2

Чăваш юмахӗсем тӑрӑх тунӑ ӳкерчӗксен конкурсӗ.

20.04.2021

2-3 классем

Тăван чĕлхепе литературине вĕрентекен

3

«Тӑлӑх Тилӗ», «Пукане», «Пулӑра», «Тимӗрҫӗ», «Уйӑх ачи» мультфильмсене чăвашла пăхни.

19.04.2021-

25.04.2021

1-4 классем

 Кĕҫĕн классенче

 вĕрентекенсем

4

Класс сехечĕсем: И.Я.Яковлев пултарулăхĕпе паллашни, презентаци куравĕ.

19.04.2021-

25.04.2021

5-11 классем

Класс ертÿçисем

5

«Чăваш наци музейĕнче» виртуаллă экскурси куравĕ

21.04.2021

11 классем

Тăван чĕлхепе литературине вĕрентекен

6

Викторина «Чăваш чĕлхипе литературине чи лайăх пĕлекен»

22.04.2021

9  класс

Тăван чĕлхепе литературине вĕрентекен

7

«Пĕтĕм чăваш диктанчĕ — 2021» акци

30.04.2021

вĕрентекенсем

Кудрявцева С.И

8

Чăваш чĕлхипе литература эрнине вĕçлени. Çĕнтерÿçĕсене  чыслани.

30.04.2021

1-11 классем

Кудрявцева С.И

Чăваш чĕлхине халалланă эрне пуçланчĕ
      Кашни çул ака уйăхĕнче  республикăри шкулсенче И.Я. Яковлев аслă вĕрентекенĕмĕре сума суса тата Чăваш чĕлхи кунне халалласа эрне иртет. Пирĕн  шкулта та, Шупашкар хулин «2- мĕш вĕренӳ центрĕнче», илемлĕ те çепĕç чăваш чĕлхине ачасене юратма та хисеплеме, хаклама вĕрентес, ăна аталантарас, упрас тĕллевпе тĕрлĕрен мероприятисем тухăçлă иртнине палăртмалла.
     1.  Эрнен пĕрремĕш кунне тăван чĕлхепе литературине вĕрентекен, Кудрявцева С.И,уçрĕ. «Чĕлхе – пирĕн пуянлăх»  видеороликпа ачасене паллаштарчĕ. Тăван çĕр-шыва тивĕçлĕ пулас тесен пирĕн ун культурине, йăли-йĕркине, чĕлхине хисеплеме упрама тăрăшмаллине каларĕ.
    2. Кĕçĕн класра вĕренекен ачасем чăваш халăх юмахĕсем тăрăх тĕрлĕ ÿкерчĕксем туса тĕлĕнтерчĕç. Кашни ача юмаха хăйне майлă ăнланать, тĕрлĕ куçпа пăхать. Çавăнпа та ÿкерчĕкĕсем те тĕрлĕрен пулчĕç. Ку ĕçе ачасем хаваспах пурнăçларĕç .
 
 
     3.   Эрнен виççĕмĕш кунĕнче кĕçĕн класра вĕренекенсем уроксем хыççăн  «Тӑлӑх Тилӗ», «Пукане», «Пулӑра», «Тимӗрҫӗ», «Уйӑх ачи»  мультфильмсем пăхрĕç. Ачасемшĕн питĕ интереслĕ пулчĕ. Вĕсем малашне те çакăн пек мультфильмсем чăвашла тухасса шанаççĕ. Чăваш халăх юмахĕсем ырра, ăса, пархатарлăха вĕрентеççĕ.
 
4.  Кашни класрах класс ертÿçисем класс сехечĕсем ирттерчĕç. Вӗренекенсем чăваш халăхне çутта кăларакан, çӗнӗ чăваш çырулăхне йӗркелесе яракан И.Я.Яковлевăн ӗçӗ-хӗлӗпе, чăваш халăхӗн йăли-йӗркипе паллашрӗç. Ачасене пĕлмелли, халиччен илтменни нумай пулчĕ. Калаçу интереслĕ иртрĕ.
 

5.11-мĕш класра вӗренекенсем тăван литература урокĕнче «Чăваш наци музейĕнче» виртуаллă экскурси куравĕнче пулчĕç. Курав ачасене питӗ килӗшрӗ.
 
 
6.  Чăваш чĕлхипе литература пĕлтерĕшне, сумне, ачасен интересне ÿстерес тĕллевпе пирĕн шкулта чăваш чĕлхипе литература вĕрентекенĕ Кудрявцева С.И. ертсе пынипе «Чăваш чĕлхипе литературине чи лайăх пĕлекен» викторина иртрĕ. Викторинăна 9-мĕш класра вĕренекенсем хутшăнчĕç, тĕрлĕ енлĕ ыйтусем çине хуравларĕç. Унти ыйтусем ачасем чăваш чĕлхине мĕнле шайра пĕлнине тĕрĕслеме май параççĕ. Ку викторина тĕллевĕсем —ачасен ăславлă шухăшлавне, чĕлхе туйăмне аталантарасси, тимлĕ пулма вĕрентесси. Уйрăмах ачасене тĕрлĕ йышши пуçватмăшсем килĕшрĕç. Вĕсен тупсăмĕсене хăвăртрах шыраса тупас тесе ачасем тăрăшса ĕçлерĕç. Ушкăнпа ĕçлесе хăйсен тавра-курăмне анлăлатрĕç.
 
 
7.
Чăваш писателĕсемпе поэчĕсен пултарулăхĕсем тăрăх ачасем хаçатсем кăларчĕç. Кашни класс ĕçĕ тĕрлĕрен: мĕнле материалпа усă курнă, мĕнле çĕнĕлĕх кĕртнĕ, темăна мĕнлерех уçса тата çутатса панă тата ыт.те. Кашни хăйне майлă интереслĕ.
 

Тăван чĕлхепе мăнаçланас, ăна тĕпчес-упрас туйăма çĕклерĕ Эрне.

Пирĕншĕн чи хаклă, чи юратнă, чи çывăх чĕлхе — чăваш чĕлхи. Эпир Чăваш енре чăвашла калаçса пурăнатпăр. Тăван çĕр-шыв анне пекех пĕрре. Ǎна суйлама та, сутăн илме те çук. Кашни çыншăнах ашшĕ-амăш чĕлхи, тăван халăх историйĕ, йăли-йĕрки, юрри-ташши, юмах-халапĕ хаклă.